Uhartedun sukalde berde ikusgarria Hondarribian

Lekua: Hondarribia
Fitxa: sorkuntza berria
Espazioa: 15m2
Dekorazio estiloa: Vintage sofistikatua
Materialak: Markodun ate lakatuak. Granitozkoa da harraskaren gaina eta egur naturalezko da uharteko gaina, erresistentzia handitzeko tratamendu bereziarekin.

Erronka berria izan zen Hondarribian dagoen vintage estiloko sukalde ikusgarri honen diseinua. Kolore naturalen konbinazioak, -oliba berdea tonu nagusi gisa-, erabilitako materialen sofistikazioak eta erdian dagoen uharte itzelak paregabea egiten dute proiektu hau. Telmo Orbe dekoratzailearen eskutik, Bastida Sukaldeaken bere bezeroei egokitutako sukaldea diseinatu dugu; sukaldaritzaren zale direnak eta biltegiratze espazioaren behar handia dutenak. Sukaldea beren bizimodura egokitu dadin, bitan banatu dugu: alde batetik harraska, granitozko gain erresistentearekin; eta bestetik erresistentzia handitzeko tratamendu berezi duen egur naturalezko uharte zentrala, non indukzio-plaka jarri dugun. Uharte honetan, aulki altu batzuk jarri digitu, gonbidatuak eta senitartekoak sukaldariarekin egon ahal izateko. Bestalde, dekoraziozko espazio irekiak jartzeko lekurik onenak aztertu ziren bezeroen errezeta liburuentzat. Kristalezko armairua pieza deigarrienetako bat da, sukalde osoari ukitu modernoa eta dotorea ematen diona. Horrez gain, sukaldea aluminio eta beltz koloreko gama altuko etxetresna elektrikoekin hornituta dago.